„Það er aðeins minna undir núna en í síðustu verkefnum hjá okkur, við höfum spilað ansi marga leiki síðustu fimm ár sem eru úrslitaleikir þannig að þetta er aðeins þægilegra núna,“ sagði Heimir Hallgrímsson, þjálfari íslenska landsliðsins á blaðamannafundi í Laugardalnum í dag.
Ísland mætir Katar og Tékkum í vináttuleikjum þann 8. og 14. nóvember næstkomandi en formlegur undirbúningur liðsins fyrir HM í Rússlandi er nú hafinn.
„Við fáum vonandi að sjá ný andlit spila meira en þeir hafa gert hingað til og menn eiga það skilið enda hafa þeir staðið sig frábærlega. Þeir hafa verið mikilvægur hluti af þessari liðsheild sem er svo sterk hjá okkur.“
„Við höfum ákveðið að taka að minnsta kosti einn, ef ekki tvo daga og gefa þeim alveg frí og leyfa þeim að sofa út og svona og njóta hitans þarna í Katar,“ sagði Heimir m.a.
Viðtalið í heild sinni má sjá hér fyrir ofan og neðan.
