Alexis Sanchez hefur staðist læknisskoðun hjá Manchester United en það er Mirror sem greinir frá þessu.
Leikmaðurinn er að ganga til liðs við félagið í skiptum fyrir Henrikh Mkhitaryan.
Hann flaug til Manchester í morgun og fór í læknisskoðun síðdegis en reikna má með því að tilkynnt verði um félagskiptin á morgun eða þriðjudaginn.
Mkhitaryan er ekki búinn í læknisskoðun hjá Arsenal en félögin eru að skipta beint á leikmönnum og verða engir peningar borgaðir á milli.
