Arnar Gunnlaugsson, landsliðsþjálfari Íslands, mun á morgun tilkynna hóp sinn fyrir komandi vináttuleiki A landsliðs karla, en íslenska liðið leikur gegn Japan í Tókýó 31. maí og gegn Argentínu 10. júní í Alabama, Bandaríkjunum
Leikurinn er Japan er utan landsleikjaglugga og áhugavert að sjá hvernig Arnari hefur tekist að leysa það.
Margir spá því að Viktor Bjarki Daðason framherji FCK komi inn í hópinn en ákall um slíkt hefur heyrst undanfarið. Viktor er 17 ára gamall og verið að gera vel í Danmörku.
„Viktor er búin að koma þessu FCK liði í bikarúrslit, hvernig ætlar Arnar Gunnlaugs að horfa framan í þjóðina og segja að Brynjólfur Willumsson verði í landsliðinu frekar en Viktor?,“ sagði Hjörvar Hafliðason í Dr. Football hlaðvarpinu í dag.
Arnar hefur frekar viljað sjá Viktor Bjarka stíga skrefin með yngri landsliðum frekar en að koma honum strax inn í A-landsliðið.
„Getur hann forðast það að velja hann?,“ spurði Hjörvar en sérfræðingar hans telja að Arnar geti ekki haldið áfram að sleppa því að velja Viktor.
„Er hann ekki að fara að viðurkenna það að Viktor eigi að heima það,“ sagði Andri Már Eggertsson um málið.
Hjörvar segir að það verði áhugavert að sjá hópinn en gerir ráð fyrir Viktori í honum.
„Ég veit ekki hvort að Arnar muni höndla hitann frá mér og Geiramönnum (Stuðningsmenn Fram) ef hann verður ekki í hópnum. Það verður áhugavert að sjá hópinn, hann hlýtur að vera í hóp hann Viktor.“
