Eðlisfræðingurinn David Cross sem hlaut Nóbelsverðlaun árið 2004 fullyrðir að tortíming mannkynsins verði á þessari öld. Hefur hann gefið út viðvörun til heimsins eftir að hafa spáð fyrir um tímasetningu tortímingarinnar.

Litið til dagsins í dag er vissulega mikil ólga í alþjóðamálum, forseti Bandaríkjanna er óútreiknanlegur, stríð í Evrópu, áframhaldandi stríðsástand í Mið-Austurlöndum og ógnin um kjarnorkustríð síyfirvofandi svo fátt eitt sé talið.

Í viðvörun Cross til mannkynsins er hann fullviss um að mannkyninu gæti verið útrýmt eftir rétt rúmlega þrjá áratugi.

Hann sagði við Live Science: „Jafnvel eftir að kalda stríðinu lauk, þegar við höfðum samninga um stefnumótandi vopnaeftirlit, sem allir eru horfnir, voru áætlaðar líkur á kjarnorkustríði um eitt prósent á hverju ári. Mér finnst það ekki nákvæmt mat að líkurnar séu meira en tvö prósent. Þannig að það eru líkur upp á einn á móti fimmtíu.“

Gross hélt áfram: „Eins og er eyði ég hluta af tíma mínum í að reyna að segja fólki … að líkurnar á að þú lifir í 50 ár til viðbótar ár eru mjög litlar. Vegna hættu á kjarnorkustríði hefurðu um 35 ár.“

Það myndi þýða að mannkynið yrði tortímt árið 2061.

Gross bendir á þá umbyltingu sem er að eiga sér stað um allan heim núna: „Hlutirnir hafa versnað svo mikið á síðustu 30 árum, eins og þú sérð í hvert skipti sem þú lest dagblaðið.“

Gross segir jafnframt að þrátt fyrir ávinning gervigreindarinnar gæti hún reynst mannkyninu hættuleg á komandi árum.

„Samningarnir, viðmiðin milli landa, eru öll að liðast í sundur,“ bætti eðlisfræðingurinn við. „Vopn eru að verða hættulegri. Sjálfvirkni, og kannski jafnvel gervigreind, mun stjórna þessum tækjum ansi fljótlega. Það verður mjög erfitt að standast að láta gervigreind taka ákvarðanir vegna þess að hún virkar svo hratt.“

Dómsdagsklukkan, sem er hönnuð til að vara almenning við því hversu nálægt við erum því að eyðileggja heiminn, er annar mælikvarði sem notaður er til að ákvarða hvenær mannkynið gæti liðið undir lok. Í ár var klukkan stillt á 85 sekúndur í miðnætti, fjórum sekúndum nær en hún var í fyrra.

Melissa Parke, framkvæmdastjóri samtaka sem berjast fyrir afnámi kjarnavopna (ICAN), , sagði um mælinguna: „Dómsdagsklukkan er ekki spá, hún er viðvörun. Kjarnorkuvopn, stríð í Úkraínu og Gaza, loftslagskreppan og tækni eru öll hluti af vandamálinu, en þau eru öll búin til af mannkyninu. Það þýðir að við getum líka breytt um stefnu. Sáttmálinn um bann við kjarnorkuvopnum er skýr leið til að snúa klukkunni við.“