Manchester City skákar Arsenal og vinnur ensku úrvalsdeildina með einu stigi, samkvæmt nýjustu útreikningum ofurtölvunnar.

City vann gríðarlega mikilvægan 2-1 sigur á Arsenal í gær og er nú aðeins þremur stigum á eftir Skyttunum, auk þess að eiga leik til góða.

Ofurtölvan telur að City endi með 83 stig en Arsenal 82. Síðarnefnda liðið væri þar með að hafna í öðru sæti fjórða árið í röð.

Hún telur jafnframt að Manchester United, Aston Villa og Liverpool fylgi toppliðunum tveimur í Meistaradeildina. Missir Chelsea til að mynda þar af.

Neðar í töflunni telur hún að Tottenham fylgi Wolves og Burnley niður í B-deildina, en að Nottingham Forest og West Ham bjargi sér.