Framtíð Raheem Sterling hjá Feyenoord er sögð í óvissu þó hann hafi aðeins leikið sex leiki fyrir félagið.

Sterling samdi við hollenska liðið í febrúar eftir að samningi hans við Chelsea var rift. Hann hefur þó ekki náð að setja mark sitt á liðið.

Hollenskir fjölmiðlar hafa farið hörðum orðum um frammistöðu hans og telja hann vera kominn yfir sitt besta. Sumir sérfræðingar segja hann ekki passa inn í leikstíl þjálfarans Robin van Persie.

Sterling var þá á bekknum allan leikinn í 1-1 jafntefli gegn NEC Nijmegen. Van Persie hefur þó varið leikmanninn og bent á að hann hafi verið lengi frá keppni áður en hann kom til félagsins.

Samningur Sterling rennur út í sumar og óvíst er hvort hann verði áfram hjá Feyenoord eftir tímabilið.

Sterling hefur ekki verið í neinu hlutverki undanfarin tímabil. Hann var í frystikistunni hjá Chelsea áður en hann fór til Feyenoord og á síðustu leiktíð var hann á láni hjá Arsenal, þar sem hann náði sér aldrei á strik.