Samfylkingin er stærsti flokkurinn í Reykjavík samkvæmt nýrri könnun Maskínu. Myndi flokkurinn fá slétt 24 prósent atkvæða samkvæmt könnuninni. Það myndi duga fyrir 6 borgarfulltrúum.
Ögn minni er Sjálfstæðisflokkurinn. Hann myndi fá 22,7 prósent og einnig 6 fulltrúa.
Viðreisn er í þriðja sæti með 13,5 prósent og 3 fulltrúa.
Miðflokkurinn mælist með slétt 11 prósent og 3 fulltrúa.
Hið nýja framboð Vinstrið mælist með 9,1 prósent og 2 fulltrúa.
Píratar með 5,5 prósent og 1 fulltrúa.
Framsóknarflokkurinn með 5,1 prósent og 1 fulltrúa.
Sósíalistaflokkurinn með 3,7 prósent og 1 fulltrúa.
Flokkur fólksins með 3,4 prósent en engan fulltrúa.
Aðrir fá minna.
Könnunin var gerð 1. til 27. febrúar. 1.015 svöruðu henni.
