Harry Maguire hefur fengið lengra bann eftir brottvísun sína í leik Manchester United gegn Bournemouth í síðasta mánuði.
Maguire fékk rautt spjald á 78. mínútu í 2-2 jafntefli liðanna eftir brot á Evanilson. Hann missti af leiknum gegn Leeds United í kjölfarið, en nú hefur bann hans verið framlengt í tvo leiki.
Enska knattspyrnusambandið staðfesti að ákvörðunin væri tekin eftir að agabrot hans í garð fjórða dómara var staðfest. Maguire var sakaður um óviðeigandi og móðgandi orðalag eftir brottvísunina.
Hann er sagður hafa sagt „’You’re a joke. You’re all a f***ing joke.“
Samkvæmt niðurstöðum aganefndar lét varnarmaðurinn óánægju sína í ljós með því að sverja að fjórða dómaranum, Matt Donohue.
Dómarinn Stuart Attwell vísaði Maguire af velli, en í kjölfarið lét leikmaðurinn orð falla sem leiddu til frekari refsinga.
Málið hefur vakið athygli og er enn eitt áfallið fyrir United á erfiðu tímabili.
