Tyrell Malacia, vinstri bakvörður Manchester United, er sagður mjög ósáttur við ákvörðun félagsins og Jason Wilcox, eftir að hann bannaði honum að fara frá félaginu á síðasta degi janúargluggans.
Malacia var sagður á leið til Tyrklands og undirbúa læknisskoðun áður en Wilcox hringdi í hann í síðustu stundu og tilkynnti að hann yrði að snúa til Englands aftur og klára tímabilið hjá United.
Ákvörðunin var sögð tekin vegna meiðsla hjá öðrum bakvörðum hjá United, sem skapaði nauðsyn á því að halda Malacia í leikmannahópnum.
Vinstri bakvörðurinn, sem hefur átt erfitt uppdráttar með takmörkuðum spilatíma, á samning við United út yfirstandandi tímabil og hefur aðeins tekið eina stutta innkomu á þessu tímabili.
