Búið er að flagga í hálfa á Anfield til minningar um Diogo Jota, framherji félagsins lést í bílslysi í nótt ásamt bróður sínum.

Mikill fjöldi stuðningsmanna Liverpool hefur lagt leið sína á Anfield til að minnast framherjans og leggja blóm í kringum völlinn.

Jota hafði verið í fimm ár hjá Liverpool þegar hann lést, slysið átti sér stað á Spáni.

Segja má að lífið hafi aldrei verið eins gott og undanfarið fyrir Jota, hann varð Englandsmeistari með Liverpool í vor, hann vann Þjóðadeildina með Portúgal í sumar og gifti sig svo fyrir tveimur vikum. Hann átti þrjú börn með eiginkonu sinni.

Hann var 28 ára gamall þegar hann lést en Jota gerði vel fyrir Liverpool og var í stóru hlutverki í landsliði Portúgals.