Þorsteinn Halldórsson, landsliðsþjálfari íslenska kvennalandsliðsins, mætti í viðtal hjá RÚV í kvöld eftir leik við Finnland á EM.

Ísland tapaði opnunarleiknum 1-0 gegn Finnum en stelpurnar léku manni færri frá 58. mínútu er Hildur Antonsdóttir var rekin af velli.

,,Fyrsta tilfinning eftir leik er að við vorum ekki nógu góðar fyrstu 30 mínúturnar en náðum að hanga í þessu og héldum leiknum í núllinu en vorum að fá á okkur færi úr föstum leikatriðum, eitthvað klafs, bjarga á línu og svoleiðis,“ sagði Þorsteinn.

,,Svo var seinni hálfleikur frábær hjá okkur. Við vorum með þær en eftir að hafa lent manni undir þá sýndum við mikið hugrekki og kraft.“

,,Við fáum á okkur mark sem gerir þetta enn erfiðara en markmiðinu er ekki lokið, við ætlum að gera betur í næsta leik.“

Steini var svo spurður út í ákveðna fyrirsögn um að frammistaða Íslands hafi verið ‘ógeðslega léleg’ og hafði þetta að segja:

,,Mér er skítsama um hana.“