Eiður Gauti Sæbjörnsson reyndist hetja KR í kvöld sem spilaði við FH í Bestu deild karla í mjög skemmtilegum leik.
Kjartan Kári Halldórsson var einnig heitur fyrir framan markið í þessum leik sem lauk með 3-2 sigri KR.
Kjartan kom FH tvívegis yfir í leiknum en í bæði skiptin tókst KR-ingum að jafna metin með mörkum frá Eið og Ástbjörni Þórðarsyni.
Eiður skoraði svo sigurmarkið á 91. mínútu til að tryggja KR afskaplega mikilvægan sigur.
Víkingur Reykjavík vann á sama tíma lið Aftureldingar 2-1 þar sem Nikolaj Hansen var maður leiksins og skoraði tvennu.
Nikolaj kom Víkingum yfir og skoraði svo sigurmarkið eftir að Aron Jóhannsson hafði jafnað fyrir nýliðana.
