Þremur leikjum er lokið í Bestu deild kvenna í dag og er ljóst að Þróttur hefur tapað sínum fyrsta leik í sumar.

Þróttur er enn á toppnum þrátt fyrir tap gegn Stjörnunni en Stjarnan vann 2-0 heimasigur á toppliðinu.

Þróttarar eru með 22 stig á toppi deildarinnar en Breiðablik er sæti neðar og á leik til góða gegn Þór/KA á morgun.

Það gengur enn ekkert hjá Valskonum sem mættu Fram á heimavelli og þurftu að sætta sig við 1-2 tap – þetta var fjorða tap Vals í sumar.

Víkingur Reykjavík vann þá sinn annan sigur í sumar en liðið mætti FHL sem er enn án stiga á botninum eftir níu umferðir. Leiknum lauk með 0-4 sigri Víkinga.