Arne Slot telur að Liverpool geti afrekað eitthvað sérstakt þegar liðið mætir Paris Saint-Germain í síðari leik liðanna í Meistaradeild Evrópu.

Liverpool er tveimur mörkum undir eftir fyrri leikinn í París þar sem PSG hafði betur. Slot segir þó að möguleikinn á endurkomu sé til staðar, þrátt fyrir erfiða stöðu gegn ríkjandi Evrópumeisturum.

„Það er trú á því að við getum gert eitthvað sérstakt, en við þurfum að vera alveg einstakir til að snúa þessu við,“ sagði Slot

„Þetta er erfitt verkefni, en ekki ómögulegt.“

Anfield hefur áður verið vettvangur ótrúlegra endurkoma, þar á meðal 4-0 sigur á Barcelona árið 2019 eftir 3-0 tap í fyrri leik. Fyrirliðinn Virgil van Dijk segir stuðningsmenn skipta lykilmáli í slíkum leikjum og hvetur þá til að skapa magnaða stemningu.

Liverpool kemur inn í leikinn eftir 2-0 sigur á Fulham um helgina og vonast til að byggja á þeirri frammistöðu. Leikurinn gæti orðið einn af eftirminnilegustu kvöldum tímabilsins á Anfield ef Liverpool tekst að snúa einvíginu sér í vil.