Það virðist vera deginum ljósara að Jadon Sancho hefur spilað sinn síðasta leik fyrir Manchester United, hann hefur æft einn í sjö vikur og ekkert virðist ætla að breytast.
Allir leikmenn Manchester United voru boðaðir í myndatöku í gær þar sem liðsmynd var smellt, Sancho var ekki boðið.
Sancho hefur í tæpar sjö vikur og æft einn eftir að hafa farið í stríð við Erik ten Hag, stjóra félagsins.
Ten Hag neitar að hleypa Sancho á æfingar fyrr en hann biðst afsökunar, hann neitar að gera það en liðsfélagar hans hafa ráðlagt honum að gera það.
Daily Mail segir frá því að Sancho fái ekki að umgangast aðalliðið, hann þarf að borða einn og æfa einn.
Sancho fær að skipta um föt í klefum hjá unglingaliðum félagsins. Hann er hins vegar einn í klefa og er skipað að læsa klefanum á meðan hann skiptir um föt.
