Manchester United hefur áhuga á að fá Ao Tanaka frá Leeds í sumar.

Tanaka, sem er 27 ára japanskur landsliðsmaður, hefur sýnt fínar frammistöður á leiktíðinni en athygli vekur að hann er þó ekki fastamaður hjá Leeds.

Vill hann fá meiri spiltíma og heillaði hann forráðamenn United í sigri á liðinu á dögunum. Gæti félagið því fengið hann til sín sem ódýran kost á miðjuna í sumar.

Newcastle og Everton hafa einnig augastað á Tanaka samkvæmt fréttum.

Breytingar eru framundan á miðjunni hjá United í sumar. Casemiro er á förum og Manuel Ugarte gæti farið sömu leið. Líklegt er að 2-3 leikmenn komi í staðinn og gæti Tanaka orðið einn þeirra.