Liverpool vann dramatískan 1-2 sigur á Everton í grannaslag í gær og setti um leið met í ensku úrvalsdeildinni.

Sigurmarkið kom seint í uppbótartíma þegar fyrirliðinn Virgil van Dijk skallaði boltann í netið eftir hornspyrnu frá Dominik Szoboszlai. Afar mikilvægur sigur í baráttunni um Meistaradeildarsæti.

Leikurinn fór fram á Hill Dickinson Stadium, nýjum heimavelli Everton, og með sigrinum varð Liverpool fyrsta liðið í sögu deildarinnar til að vinna leik á 60 mismunandi völlum í úrvalsdeildinni.

Liverpool hefur nú unnið á 60 af þeim 62 völlum sem liðið hefur spilað á í deildinni frá 1992. Aðeins tvö lið hafa aldrei tapað heimaleik gegn Liverpool í deildinni, Blackpool og Luton.