Pep Guardiola, stjóri Manchester City, segir Arsenal vera besta lið heims um þessar mundir og viðurkennir að það verði afar erfitt fyrir City að ná þeim í baráttunni um enska meistaratitilinn.

City hefur ekki unnið í síðustu fjórum leikjum í úrvalsdeildinni og tapaði um síðustu helgi 2-0 gegn Manchester United í nágrannaslag. Þar að auki tapaði liðið óvænt gegn Bodo/Glimt í Meistaradeildinni í miðri viku og hefur aðeins unnið tvo af síðustu sjö leikjum sínum.

Arsenal er hins vegar í frábæru formi, ósigraðir í 12 leikjum í öllum keppnum og eru með sjö stiga forskot á toppi deildarinnar.

„Þeir eru besta lið heims núna. Í deildinni, Meistaradeildinni og bikarkeppnum, þeir eru einfaldlega bestir,“ segir Guardiola.

Þrátt fyrir erfiðleikana segist Guardiola enn treysta sínum leikmannahópi fullkomlega og vonast til að City geti sett pressu á Arsenal í toppbaráttunni.