Þýski vef­miðillinn Bild greinir frá því í dag að leik­manna­hópur Bayern Munchen sé ekki á eitt um á­kvörðun for­ráða­manna fé­lagsins um að segja Nagels­mann upp störfum.

Leik­menn á borð við Manuel Neu­er, Sven Ul­reich, Serge Gna­bry, Leroy Sane, Jamal Musi­ala, Joao Cancelo og Sadio Mane hafi ekki verið á­nægðir undir stjórn Nagels­mann á meðan að aðrir leik­menn hafi verið á­nægðir með það sem var í gangi.

Nagels­mann var sjálfur í fríi í Austur­ríki þegar að fjöl­miðlar greindu frá vendingunum. Hann las um það sem var í gangi í fjöl­miðlum og hafði ekkert heyrt frá for­ráða­mönnum Bayern Munchen.

Hann var síðan kallaður á fund í höfuð­stöðvum fé­lagsins á föstu­daginn síðast­liðinn og í kjöl­farið sagt upp störfum. For­ráða­menn Bayern Munchen höfðu þá nú þegar fundið eftir­mann hans í starfi, Þjóð­verjann Thomas Tuchel.