Bandaríska leikkonan Blake Lively setti inn skemmtilega færslu á Instagram yfir leik Wrexham og Sheffield United í enska bikarnum í gær.
Lively er eiginkona Ryan Reynolds, leikara og eiganda Wrexham.
Leiknum lauk 3-3 og verður hann því endurtekinn.
E-deildarlið Wrexham var hins vegar hársbreidd frá því að slá B-deildarlið Sheffield United úr leik í gær.
Leikurinn var afar spennandi og Reynolds var mættur í stúkuna. Oft beindist myndavélin að honum og er óhætt að segja að hann hafi verið ansi stressaður á köflum.
Því vildi Lively ekki missa af. „Ég keypti mér ESPN+ í dag bara til að geta horft á eiginmanninn minn upplifa lamandi kvíða í beinni. Það var þess virði,“ skrifaði Lively við mynd af Reynolds á vellinum.
