Hákon Arnar Haraldsson varð í gær leikmaður Lille en franska félagið borgar 15 milljónir evra fyrir íslenska leikmanninn frá FCK í Danmörku.
Um er að ræða 2,2 milljarða íslenskra króna og er Hákon því einn dýrasti Íslendingur sögunnar.
Skagamenn vonast eftir því að salan fari í gegn því félagið setti klásúlu í samningi Hákon þegar FCK keypti hann frá félaginu.
Rætt hefur verið um að Skagamenn fái allt að 500 milljónir króna vegna klásúlu og það kemur sér fyrir félagið.
Samkvæmt heimildum 433.is er svo annar möguleiki í stöðunni fyrir Skagamenn að fá enn meiri peninga í kassann sinn.
Þannig hefur danska félagið FCK skoðað það að kaupa Hauk Andra Haraldsson, bróðir Hákons. Hann er 17 ára gamall og hefur spilað stórt hlutverk með ÍA í Lengjudeildinni.
Haukur er klókur miðjumaður sem nokkur erlend lið hafa fylgst með og þar á meðal er FCK þar sem bróðir hans Hákon, sem er tveimur árum eldri en Haukur, hefur gert garðinn frægan.
