Upptaka frá VAR-herberginu í leik West Ham og Arsenal hefur nú verið birt og sýnir nákvæmlega hvernig dómarateymið komst að þeirri niðurstöðu að dæma jöfnunarmark Callum Wilson af.
Arsenal vann leikinn 0-1 en mark Wilson kom boltanum í netið í uppbótartíma en var dæmt af eftir langa skoðun í VAR vegna brots á David Raya í aðdragandanum.
Í upptökunni heyrist VAR-dómarinn Darren England segja snemma í ferlinu að um brot hafi verið að ræða.
VAR 4:13 minutes discussions with the ref.
West ham vs Arsenal match. pic.twitter.com/XEsgoQUhxG— THEMBA ☄️ (@AkanniCFC) May 12, 2026
„Vinstri höndin heldur handlegg Raya niðri og það hindrar hann í að komast almennilega að boltanum,“ sagði hann, máli sínu til stuðnings.
Aðstoðar-VAR-dómarinn vildi skoða hvort fleiri brot hafi átt sér stað, mögulega af hálfu Arsenal.
„Ef þetta er brot, hvað segjum við þá um Trossard og Rice?“ sagði hann meðal annars.
Að lokum var Chris Kavanagh dómari sendur í skjáinn og komst hann fljótt að niðurstöðu.
„Ég sé greinilegt brot þarna,“ sagði Kavanagh áður en hann dæmdi brot á Pablo og dæmdi markið af.
Yfirmaður dómaramála hjá PGMOL, Howard Webb, sagði eftir birtingu upptökunnar að ákvörðunin hefði verið rétt.
„Var þetta brot á markverðinum? Algjörlega,“ sagði Webb.
