
Mikil spenna skapaðist á blaðamannafundi hjá Southampton eftir sigur liðsins á Middlesbrough í undanúrslitum umspilsins um að komast upp í ensku úrvalsdeildina.
Stjórinn Tonda Eckert rauk út af fundinum eftir að blaðamaður spurði hann hvort hann væri svindlari. Málið snýr að njósnum Southampton á æfingu Middlesbrough í aðdraganda einvígis liðanna.
Eckert sagðist vilja tjá sig um málið en gæti það ekki á meðan rannsókn stæði yfir.
„Við tökum þetta mjög alvarlega. Ég mun segja eitthvað um málið, en þetta er ekki rétti tíminn,“ sagði hann.
Hann var áfram inntur eftir svörum og fékk að lokum spurningu um hvort hann væri svindlari. „Sýndu smá virðingu,“ sagði fjölmiðlafulltrúi Southampton þá og gengu hann og Eckert út.
Southampton's Tonda Eckert walked away from his press conference early after being asked if he is a 'cheat' following the Saints' 'spygate' saga that surrounds their play-off clash with Middlesbrough. pic.twitter.com/qsc8rjnZ3n
— Sky Sports News (@SkySportsNews) May 13, 2026