Liverpool er sagt skoða möguleikann á að fá Emi Martinez frá Aston Villa ef Alisson Becker yfirgefur félagið í sumar.
Alisson hefur verið sterklega orðaður við Juventus undanfarið og gæti hann því kvatt eftir ótrúleg níu ár á Anfield. Hann verður samningslaus eftir rúmt ár.
Hjá Liverpool er einnig georgíski markvörðurinn Giorgi Mamardashvili en þó er líklegt að félagið sæki annan markvörð með honum.
Martinez er orðinn 33 ára gamall en hann hefur verið með betri markvörðum ensku úrvalsdeildarinnar síðustu ár. Þá varð hann heimsmeistari með Argentínu í Katar 2022.
Fleiri markverðir hafa þó verið orðaðir við Liverpool, þar á meðal James Trafford, varamarkvörður Manchester City.
