Það var rífandi stemming á Hringbraut á föstudagskvöld þegar Bjarni Helgason blaðamaður Morgunblaðsins mætti og ræddi fréttir vikunnar hjá Benna Bó ásamt Herði Snævar Jónssyni, fréttastjóra íþrótta hjá Torgi.

Miðað við fréttir vikunnar eru Kórdrengir að leggjast í dvala, liðið sem leikur í Lengjudeild karla er sagt skoða það að hætta við þátttöku á Íslandsmótinu í ár.

Liðið er án þjálfara og hefur lítið heyrst um áform félagsins annað en sögusagnir um að það hætti. Saga félagsins hefur víða vakið athygli enda vinahópur sem hefur staðið á bak við félagið sem flaug upp úr neðstu deild og upp í þá næst efstu.

„Það eru sex lið sem bíða eftir þeirra örlögum,“ sagði Benedikt Bóas en lið færu þá upp um deildir verði að því að Kórdrengir hætti.

Hörður Snævar Jónsson sagði upprisu Kórdrengja ótrúlega en hægt væri að skilja að erfitt væri að halda svona stari út. „Manni heyrist, maður getur skilið það að einhverju leyti. Hversu erfitt heldur þú að það sé að halda þessu gangandi? Það er lítið bakland, ekkert unglingaráð eða heimvallarnefnd sem sér um græja völlinn. 4-5 einstaklingar sem hafa séð um allt,“ sagði Hörður

Benedikt Bóas sagði þá. „Þetta er eitt mesta ævintýri í íslenskum fótbolta.“