Þorsteinn Halldórsson landsliðsþjálfari kvenna kveðst ekki vita með hvaða hætti Grétar Rafn Steinsson tæknilegur ráðgjafi KSÍ muni nýtast kvennalandsliðinu á Evrópumótinu í sumar.
Talað hefur verið um að Grétar eigi að vinna með bæði karla og kvennalandsliðinu en samtali við Þorstein er ekki komið langt á veg.
Grétar tók til starfa á dögunum en aðeins eru fimm mánuðir í að kvennalandsliðið hefji leik á Evrópumótinu.
,,Við höfum ekki rætt neina svona nákvæma útlistun á því hvernig þetta kemur til með að vera. En hann kemur klárlega inn í þetta að einhverju leyti með einhverjar hugmyndir hvernig við komum til með að vinna þetta;“ sagði Þorsteinn á fréttamannafundi í dag.
Grétar Rafn er búsettur í Bretlandi en kemur hingað til lands á næstu dögum.
„Hann kemur aftur til landsins í næstu viku, þá á ég von á því að það verði settur meiri kraftur í þetta og þá fáum við meiri innsýn inn í hans hugmyndir.“