Það kemur í ljós í dag hvort Jordan Henderson fyrirliði Liverpool þurfi að fara í aðgerð og verði þar með frá í 12 vikur.

Henderson meiddist á nára í leik gegn Everton um liðna helgi, fyrirliðinn fór af velli í fyrri hálfleik í tapinu á Anfield.

Henderson fór í myndatöku á mánudag og er óttast að fyrirliðinn þurfi að fara undir hnífinn.

Ef Henderson fer undir hnífinn veðrur hann frá í tólf vikur og tímabilið hans svo gott sem búið, ólíkleg væri þá að hann myndi spila aftur.

Enska landsliðið situr og bíður eftir fréttum, þurfi Henderson að fara í aðgerð verður hann tæpur fyrir Evrópumótið í sumar.

Evrópumótið fer af stað 13 júní og væri það mikil blóðtaka fyrir Englendinga að missa sinn mikilvægasta miðjumann út.