Logi Tómasson, landsliðsmaður í knattspyrnu og tónlistarmaður ætlar að láta allan ágóða af tónleikum sínum renna til Ingvars Jónssonar og fjölskyldu.
Ingvar greindist á dögunum með krabbamein og hefur hafið lyfjameðferð vegna þess. Ingvar er markvörður Víkings og hann og Logi léku þar saman.
Logi sem kemur fram undir nafninu Luigi mun halda stórtónleika í Víkinni í júní og fer allur ágóði af sölunni til Ingvars og fjölskyldu.
Tilkynning!!!
Nýverið greindist fyrrum liðsfélagi og góður vinur óvænt með krabbamein. Við Ingvar spiluðum saman hjá meistarflokks Víkings og óhætt er að segja eftir að kynnast honum á því tímabili að það er ekki hægt að finna meiri toppmanneskju, bæði innan sem utan vallar.
Til að styðja við bakið á honum og hans fjölskyldu hef ég ákveðið að láta allan ágóða af tónleikunum mínum í Víkingsheimilinu 18. júní renna til hans.
Hægt er að tryggja sér miða á þá inn á moment.is
