fbpx
Mánudagur 18.október 2021
433Sport

Arnar Þór kallar eftir skýrum leikreglum: „Kæra til lögreglu eða eitthvað, ég hef ekkert vit á því“

Hörður Snævar Jónsson
Laugardaginn 4. september 2021 13:23

Arnar Þór og Eiður Smári. ©Torg ehf / Valgardur Gislason

Ekki missa af Helstu tíðindum dagsins í pósthólfið þitt

Lesa nánar

Arnar Þór Viðarsson landsliðsþjálfari Íslands kallar eftir skýrum ramma um það hvernig tekið er á málum sem geta komið upp í framtíðinni í íslensku þjóðfélagi. Arnar segir að ef hann þarf að hringja inn leikmannalista sinn í framtíðinni, þá gangi hann frá borði.

Samkvæmt heimildum DV var það síðdegis á sunnudag sem tekinn var ákvörðun um að Kolbeinn Sigþórsson og Rúnar Sigurjónsson myndu ekki fá að taka þátt í verkefni landsliðsins. Stjórnin var ekki meðvituð um það að degi áður hafði Rúnar dregið sig sjálfur úr verkefninu og látið þjálfara liðsins vita af því.

Hanna Björg Vilhjálmsdóttir kennari við Borgarholtsskóla og Steinunn Gyðu- og Guðjónsdóttir frá Stígamótum mættu þá á fund með stjórnarfólki KSÍ og ræddu vandamál sambandsins. Fengu þær að sjá leikmannalistann sem Arnar Þór Viðarsson hafði valið. Tjáðu þær stjórnarfólkinu að best væri að banna Kolbeini og Rúnari að mæta í verkefnið, varð stjórnin við þessari ábendingu þeirra og skipaði Arnari að taka þá úr hópnum en Rúnar hafði eins og fyrr segir afboðað komu sína.

Arnar var spurður út í það á fréttamannafundi í dag hvernig hann tæki þessu og hvernig svona mál til framtíðar horfðu við honum.

„Þetta hefur ekkert með nein mál eða neitt mál að gera sem kemur hér á eftir, nú er ég bara að tala um okkur sem þjálfara. Fyrir íþróttir í heild, þá verður að vera til rammi um það hvað þarf að gerast áður en íþróttamenn eða aðrir eru teknir til hliðar,“ sagði Arnar Þór.

Arnar segir að reglur verði að vera skýrar áður en leikmaður eða annar sé tekinn til hliðar. „Það að það sé ekki í boði fyrir þjálfara að velja einhvern, sá rammi þarf að vera til. Kæra til lögreglu eða eitthvað, ég hef ekkert vit á því. Þessi rammi þarf að vera klár, það þarf að vera einhver rammi,“ sagði Arnar.

Arnar segist segja starfi sínu lausu ef hann þarf að hringja inn leikmannalista sinn til stjórnar í hvert skipti. „Við sem þjálfarar, það er ómögulegt fyrir okkur sem þjálfara ef við þurfum að hringja inn nöfn til stjórnar eða hvert sem er. Að fá leyfi til að velja fólk, þá get ég ekki unnið mitt starf. Ef ég get ekki unnið starfið mitt eins og ég vil vinna það, þá þarf að finna annan þjálfara,“ sagði Arnar.

Arnar kallar eftir því að ÍSÍ eða stjórnmálafólk búi þennan ramma til og það sem fyrst. „Það þarf að gera þetta mjög fljótt, það er ekki kannski hjá KSÍ en við þurfum að geta unnið eftir ramma. Það er fyrir ÍSÍ eða stjórnmálamenn að finna þann ramma.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Fyrrum leikmaður Man Utd segir þetta vera vandamál liðsins

Fyrrum leikmaður Man Utd segir þetta vera vandamál liðsins
433Sport
Fyrir 16 klukkutímum

Bundesliga: Bayern slátraði Leverkusen í fyrri hálfleik

Bundesliga: Bayern slátraði Leverkusen í fyrri hálfleik
433Sport
Fyrir 18 klukkutímum

Grealish og Mahrez gætu þurft að bera vitni í nauðgunarmáli félaga síns – Sakaður um brot gegn 17 ára stúlku eftir djamm liðsfélaganna

Grealish og Mahrez gætu þurft að bera vitni í nauðgunarmáli félaga síns – Sakaður um brot gegn 17 ára stúlku eftir djamm liðsfélaganna
433Sport
Fyrir 19 klukkutímum

Hin umdeilda Wanda Nara sögð hafa sparkað eiginmanninum – ,,Aftur skemmirðu fjölskyldu fyrir kynlíf“

Hin umdeilda Wanda Nara sögð hafa sparkað eiginmanninum – ,,Aftur skemmirðu fjölskyldu fyrir kynlíf“
433Sport
Í gær

Víkingar gerðu KR-ingum greiða í dag – Þessi þrjú lið leika í Evrópukeppni á næstu leiktíð

Víkingar gerðu KR-ingum greiða í dag – Þessi þrjú lið leika í Evrópukeppni á næstu leiktíð
433Sport
Í gær

Solskjaer: „Það verður kannski eitthvað að breytast“

Solskjaer: „Það verður kannski eitthvað að breytast“
433Sport
Í gær

Víkingur bikarmeistari árið 2021 – Komu sér í sögubækurnar með sigrinum

Víkingur bikarmeistari árið 2021 – Komu sér í sögubækurnar með sigrinum
433Sport
Í gær

Katarski boltinn: Aron Einar byrjaði í sigri Al-Arabi

Katarski boltinn: Aron Einar byrjaði í sigri Al-Arabi