Stjarnan tók á móti Fylki í 15. umferð Pepsi Max-deildar kvenna í kvöld. Heimakonur fóru með sigur af hólmi.
Hildigunnur Ýr Benediktsdóttir gerði eina mark leiksins þegar stundarfjórðungur lifði hans. Lokatölur 1-0.
Stjarnan siglir lignan sjó í fimmta sæti deildarinnar. Liðið er með 23 stig eftir 15 leiki.
Fylkir er hins vegar í níunda sæti, fallsæti, með 12 stig. Keflavík er sæti ofar með jafnmörg stig en á leik til góða.
Tímabilið verður að teljast vonbrigði fyrir Fylkiskonur sem var af flestum spáð mun ofar í töflunni.