Manchester United hefur ekki unnið ensku úrvalsdeildina í 8 ár en liðið er engu að síður á toppnum þegar tekin voru saman heildarstigin frá því að enska úrvalsdeildin var stofnuð.
Nú þegar enska úrvalsdeildin er að hefja sitt 30. tímabil ákvað talkSPORT að taka saman hvaða lið hafa náð bestum árangri þegar á heildina er litið.
Manchester United hefur unnið 13 titla og fengið 2308 stig í heildina. Arsenal er í 2. sæti listans, að stórum hluta er það árangri Arsene Wenger að þakka en hann skilaði liðinu í topp fjóra 20 sinnum á þeim 22 tímabilum sem hann var við stjórn. Chelsea tekur þriðja sætið og Liverpool er í fjórða sæti. Hér að neðan má sjá topp 10 listann.
1.Manchester United 2308 stig
2.Arsenal 2072 stig
3.Chelsea 2064 stig
4.Liverpool 2017 stig
5.Tottenham 1716 stig
6.Manchester City 1536 stig
7.Everton 1535 stig
8.Newcastle 1361 stig
9.Aston Villa 1313 stig
10.West Ham 1202 stig
