Jermaine Pennant, fyrrum leikmaður Liverpool er greinilega ekki hrifinn af Rafael Benitez og hans þjálfarafræðum.
Rafa Benitez var kynntur sem nýr þjálfari Everton fyrr í mánuðinum og var sú ráðning mikið gagnrýnd enda stýrði Benitez Liverpool til fjölda ára við góðan orðstír. Pennant virðist vera sammála gagnrýnisröddum þegar hann rifjaði upp hvernig það var að vera leikmaður undir stjórn Spánverjans.
„Leikmenn bregðast örugglega mismunandi við Rafa“, sagði Pennant við talkSPORT.
„Í mínum augum var hann ekki góður stjóri mann á mann. Það vantaði mikið upp á það. Steven Gerrard og Jamie Carragher hafa einnig talað um það opinberlega.“
„Mér fannst erfitt að þurfa að tala við hann, jafnvel um taktík á vellinum.“
„Hann kom ekki til þín og náði í þig og talaði um það sem þurfti að ræða. Hann lét Gerrard sjá um það. Sérstaklega í stóru leikjunum, þá sagði hann ekkert heldur sá Gerrard um það,“ sagði Pennant við talkSPORT.