Knattspyrnugoðsögnin David Beckham fagnaði á dögunum 45 ára afmæli sínu. Athygli vakti að á samfélagsmiðlinum Instagram mátti sjá sveitasetur Beckham-fjölskyldunnar en The Sun fjallaði um myndirnar af setrinu og afmælið.
Húsið var bóndabær þegar fjölskyldan keypti það í desember árið 2016 fyrir 6,15 milljónir punda, rúmlega milljarð í íslenskum krónum. Eftir kaupin var bóndabænum breytt í magnað sveitasetur. Það kom sér vel þegar útgöngubann var sett á í Bretlandi en þá ákvað Beckham-fjölskyldan að eyða tímanum á sveitasetrinu. Victoria Beckham varð 46 ára á árinu og var einnig haldið upp á afmælið hennar á sveitasetrinu.
Þetta er langt frá því að vera eina húsið sem er í eigu Beckham-fjölskyldunnar. Þau eiga meðal annars hús í London, á ströndinni í Dubai og í Miami.
Hér fyrir neðan má sjá myndirnar frá sveitasetrinu sem deilt var á Instagram í vikunni: