Tveir íslendingar voru í eldlínunni í kvöld með liðum sínum er leikið var í forkeppni Meistaradeildar Evrópu.
Sverrir Ingi Ingason lék allan leikinn fyrir PAOK sem fékk Benfica í heimsókn.
Dimitrios Giannoulis kom PAOK yfir á 63. mínútu. Á 75. mínútu tvöfaldaði Andrija Zivkovic forskot heimamanna.
Rafa Silva minnkaði muninn fyrir Benfica á 94. mínútu en lengra komust Benfica ekki. Virkilega sterkur sigur fyrir PAOK sem halda áfram í næstu umferð keppninnar.
PAOK mætir Krasnodar í næstu umferð. Leikur sem mun skera úr um það hvort liðið kemst í riðlakeppni Meistaradeildar Evrópu.
Albert Guðmundsson var í byrjunarliði og spilaði 58. mínútur fyrir AZ Alkmaar sem keppti á móti Dynamo Kiyv í Kænugarði í Úkraínu.
Heimamenn komust yfir á 49. mínútu leiksins eftir mark frá Gerson Rodrigues. Það var síðan Mykola Shaparenko sem skoraði annað mark Dynamo Kiyv á 86. mínútu.
Fleiri mörk voru ekki skoruð og eru því Albert og félagar úr leik.
PAOK 2 – 1 Benfica
1-0 Dimitrios Giannoulis (’63)
2-0 Andrija Zivkovic (’75)
2-1 Rafa Silva (’94)
Dynamo Kiyv 2 – 0 AZ Alkmaar
1-0 Gerson Rodrigues (’49)
2-0 Mykola Shaparenko (’86)
Upplýsingar um úrslit og markaskorara fengnar af urslit.net
