Pep Guardiola gæti þurft að borga manni 100 þúsund pund ef hann óttast það að hann sé að segja satt. Fyrrum starfsmaður félagsins kveðst hafa hakkað sig inn í síma Guardiola og að hann hafi nú aðganga að öllum tölvupóstum Guardiola og allri símaskránni hans.

Maðurinn var að vinna sem kerfisfræðingur hjá City frá 2016 til 2018 en hann segir að það hafi verið einfalt verk að hakka sig inn í síma Guardiola.

Maðurinn komst að því hvaða tölvupóst Guardiola notaði og samkvæmt honum var það leikur einn að hakka sig inn í símann eftir það.

Maðurinn segir við ensk blöð að hann sé með allan tölvupóst og símanúmer hjá stórstjörnum fótboltans. ,,Þetta er það auðveldasta sem ég hef gert,“ sagði maðurinn við The Sun.

Hann kveðst vera með samskipti Guardiola við leikmenn sem hann vildi fá og að samningar við nokkra leikmenn séu í tölvupósti Guardiola.

Enski boltinn á 433 er í boði