Rúrik Gíslason, landsliðsmaður Íslands í knattspyrnu og leikmaður Sandhausen í Þýskalandi, er að feta nýjar slóðir í lífinu.
Rúrik greinir frá því á Instagram í dag að hann sé að koma með nýtt gin á markaðinn.
Glacier Gin, heitir þetta nýja áfengi sem Rúrik er að setja á markað. Flaskan hefur vakið gríðarlega athygli en eins og nafnið ber með sér, er það tenging við jökul.
,,Stoltur eigandi af Glacier Gin,“ skrifar Rúrik á Instagram og birtir tvær myndir með.
Rúrik er frægasti íslenski fótboltamaðurinn ef mark er tekið á samfélagsmiðlum, með tæpa milljón fylgjendur á Instagram.
