Arsenal gerði jafntefli í fyrsta leik Freddie Ljungberg sem fór fram á Carrow Road í ensku úrvalsdeildinni í gær.
Arsenal mætti liði Norwich í hörkuleik en bæði lið komust tvisvar á blað. Norwich komst yfir í tvígang en í bæði skiptin jafnaði framherjinn Pierre Emerick Aubameyang og í fyrra skiptið af vítapunktinum.
Paul Scholes, fyrrum miðjumaður Manchester United var ekki sáttur með framkomu Ljungberg í fyrsta leik. Hann hefði viljað sjá Ljungberg bera virðingu fyrir starfinu, og mæta í jakkafötum.
,,Ég hefði haldið að hann færi í jakkaföt, til að láta vita hversu stoltur hann væri að fá starfið,“ sagði Scholes en Ljungberg stýrir Arsenal, tímabundið. Unai Emery var rekinn úr starfi á föstudag og leitar félagið að manni til framtíðar.
,,Það er ekki frábær byrjun, skyrta og bindi sanna að þú hefur aga. Hann er ekki rétti maðurinn í starfið.“
