Stuart Pearce, fyrrum stjóri Manchester City, telur að Liverpool muni vinna deildina þægilega á þessu tímabili.
Liverpool hefur aldrei unnið ensku úrvalsdeildina en er með gott forskot á toppnum eftir frábæra byrjun.
,,Ég held að Liverpool muni vinna ensku úrvalsdeildina þægilega á þessu ári,“ sagði Pearce.
,,Ég er ekki viss um hvort þeir geri það án þess að tapa en ég sé þá ekki tapa meira en tveimur leikjum.“
,,Þessi töp gætu komið gegn Manchester City en þegar það eru sex stig á milli þín og helsta andstæðingsins þá er veruleg pressa á City.“