Kevin-Prince Boateng hefur átt farsælan feril, sem ungur drengur var hann hins vegar ekki að átta sig á forréttindum sínum.

Frá 2007 til 2009 var hann í herbúðum Tottenham en spilaði lítið, hann lagði líka lítið á sig.

,,Ég kom ekki fram við fótboltann eins og starf,“ sagði Boateng sem lifði skrautlegu lífi.

,,Ég var heimskur, ég hafði hæfileika en lagði lítið á mig. Ég var síðastur á æfingu og fyrstur heim. Ég var úti með vinum, ég átti peninga og lifði eins og kóngur.“

Boateng segir svo frá einum degi í lífi sínu. ,,Ég keypti þrjá bíla einn daginn, Lamborghini, Hummer og Cadillas. Ég segi við ungt fólk, þú kaupir ekki hamingju.“