Victoria Beckham hefur í fyrsta sinn tjáð sig opinskátt um erfið samskipti fjölskyldunnar við elsta son sinn, Brooklyn Beckham.
Samskipti Brooklyn við foreldra sína, Victoria og David Beckham, hafa verið stirð um nokkurt skeið. Í janúar vakti Brooklyn mikla athygli þegar hann gagnrýndi foreldra sína opinberlega og sakaði þau meðal annars um að hafa reynt að hafa áhrif á samband hans við eiginkonu sína, Nicola Peltz.
Síðan þá hefur hann haldið sig fjarri fjölskyldunni opinberlega og hefur jafnvel lokað á foreldra sína og systkini á samfélagsmiðlum.
Victoria hefur hingað til forðast að ræða málið beint en í viðtali við The Wall Street Journal opnaði hún sig um stöðuna. Hún lagði áherslu á að fjölskyldan elski börnin sín og hafi ávallt reynt að vera bestu mögulegu foreldrar.
„Við elskum börnin okkar svo mikið og höfum alltaf reynt að vernda þau,“ sagði hún og bætti við að það væri það eina sem hún vildi segja opinberlega um málið.
Þrátt fyrir ágreininginn óskaði hún Brooklyn til hamingju með afmælið á dögunum, en hann svaraði ekki. Málið hefur vakið mikla athygli, enda um eina þekktustu fjölskyldu tengda knattspyrnu að ræða.
