Hugo Ekitike verður frá keppni í langan tíma eftir að hafa slitið hásin í leik Liverpool gegn Paris Saint-Germain í Meistaradeildinni.

Framherjinn var borinn af velli í fyrri hálfleik og hefur nú verið staðfest að hann missir af restinni af tímabilinu og heimsmeistaramótinu. Slík meiðsli taka atvinnumenn yfirleitt 7–9 mánuði að jafna sig á en sérfræðingar telja að það taki mun lengri tíma að ná aftur fyrri getu.

Samkvæmt sjúkraþjálfaranum Dr. Rajpal Brar er endurhæfingin ekki aðeins líkamleg heldur einnig andleg. Leikmenn þurfa þá að endurheimta sprengikraft, hraða og snerpu, sem getur tekið marga mánuði eftir að þeir snúa aftur á völlinn.

Þá spilar einnig inn í ótti við að meiðast aftur, þar sem leikmenn geta hikað í návígjum, forðast 50/50 bolta eða ekki treyst líkamanum að fullu fyrst um sinn. Slíkt getur haft áhrif á frammistöðu og seinkað því að þeir nái sínu besta formi.

Ef allt gengur upp með aðgerð og endurhæfingu ætti Ekitike að ná sér að fullu, en talið er að það geti tekið 12–15 mánuði áður en hann finnur fyrra form.

Þetta er mikið áfall fyrir Liverpool, franska landsliðið og leikmanninn sjálfan, en hann hefur verið frábær á leiktíðinni.