Sádí Arabía gæti verið að draga úr fjárfestingu sinni í knattspyrnu, sem gæti haft áhrif á framtíð Mohamed Salah.

Samkvæmt Kaveh Solhekol, aðalfréttamanni Sky Sports, hafa þegar orðið breytingar á fjárfestingarstefnu Sádi-Arabíu í íþróttum. Í upphafi var gríðarleg fjárfesting í Saudi Pro League, þar sem leikmenn á borð við Cristiano Ronaldo fengu risasamninga.

Nú virðist hins vegar vera dregið úr útgjöldum. Þrátt fyrir áframhaldandi áhuga á Salah, sem er á förum frá Liverpool í sumar, gæti hugsanlegur samningur ekki verið jafn fjárhagslega hagstæður og áður.

„Það er enn mikill áhugi á Salah, en hann myndi líklega ekki þéna jafn mikið og ef hann hefði farið fyrir nokkrum árum,“ sagði Solhekol.

Ástæðurnar eru meðal annars tengdar efnahagslegum áhrifum átaka í Miðausturlöndum, sem hafa haft áhrif á fjárfestingar.

Sádi-Arabía hyggst þó halda áfram að fjárfesta í íþróttum, en með meiri varfærni en áður.