Emre Can, miðjumaður Liverpool er afar eftirsóttur þessa dagana.
Hann verður samningslaus í sumar og hefur verið sterklega orðaður við Juventus á Ítalíu.
Mail greinir frá því í kvöld að Bayern Munich hafi nú blandað sér í baráttuna um miðjumanninn öfluga.
Þá er Manchester City einnig sagt hafa áhuga á honum og því ljóst að það verður erfitt fyrir Liverpool að halda honum.
Jurgen Klopp greindi frá því á dögunum að hann væri ekki búinn að gefa upp vonina um að halda Can hjá félaginu en hann kom til félagsins frá Bayer Leverkusen árið 2014.
