fbpx
Þriðjudagur 22.janúar 2019
Matur

Sorgardagur í París: Fáir vilja borða naktir á almannafæri

Lilja Katrín Gunnarsdóttir
Miðvikudaginn 9. janúar 2019 17:30

Allsber og alsæl.

O‘Naturel, fyrsti nektarveitingastaðurinn í höfuðborg Frakklands, París, þarf að skella í lás því það er ekki nógu mikið að gera á veitingastaðnum. Staðnum verður lokað í febrúar eftir aðeins rúmlega árs starfsemi, þrátt fyrir frábærar umsagnir frá veitingahúsagestum sem hafa týnt af sér spjarirnar og gætt sér á lostæti eins og sniglum og foie gras.

Tvíburabræðurnir Mike og Stephane Saada reka staðinn og hvetja fólk nú til að upplifa síðasta nakta kvöldverðinn í París áður en þeir loka fyrir fullt og allt þann 16. febrúar.

„Við treystum á ykkur að styðja okkur,“ skrifa þeir á Facebook-síðu staðarins. „Við þökkum öllum sem tóku þátt í þessu ævintýri. Við munum aðeins muna eftir góðu stundunum og því frábæra fólki sem við kynntumst.“

Þjónarnir kappklæddir

Mikið fjölmiðlafár einkenndi opnun staðarins í nóvember árið 2017, enda ekki á hverjum degi sem nektarveitingastaður opnar. Reglur staðarins eru þannig að skilja þarf eftir föt og farsíma í fatahengi, enda má ekki taka myndir af gestum staðarins á Adams- og Evuklæðunum. Gestir fá síðan inniskó, þó kvenkyns gestir megi vera í hælaskóm. Þá er ábreiðum á stólum staðarins skipt út eftir hvern viðskiptavin svo lítið beri á og þykk gluggatjöld umlykja veitingasalinn svo forvitnir vegfarendur sjái ekki inn. Þjónarnir eru hins vegar kappklæddir, eins og kveðið er á um í frönskum lögum.

Huggulegur staður.

„Um leið og viðskiptavinir okkar koma inn í veitingasalinn fylgjum við þeim til borð og fullvissum þá um að allir í herberginu séu ekki að horfa á þá,“ sagði Stephane í viðtali við AFP fréttastofuna þegar að staðurinn opnaði.

Það var mikið gleðiefni fyrir marga þegar O‘Naturel opnaði og margir héldu að það væri tákn um að nektarmenning væri að verða enn sterkari og venjulegri í Frakklandi, sem er vinsælasti ferðamannastaður í heiminum fyrir þá sem aðhyllast nektarmenningu. Nánar tiltekið heimsækja fjórar milljónir manna Frakkland ár hvert til að vera nakin, til dæmis á nektarsvæði í almenningsgarði í París, á uppistandssýningum þar sem allir eru naktir og á sérstök nektarsöfn. Nektaraktivistinn Cedric Amato segir að veitingastaðurinn hafi hugsanlega verið á undan sinni samtíð.

„Þetta var kannski fullsnemmt fyrir stað sem þennan í París sem er opinn árið um kring,“ segir hann í viðtali við AFP. „Ég borðaði þarna oft og það var mjög gott en að staðurinn hafi verið í íbúðarhverfi með enga verönd þegar veðrið er gott vann á móti honum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Í gær

Kvaddi typpið með stæl: „Ég hef lifað með þessum líkamsparti sem ég vildi ekki í sautján og hálft ár“

Kvaddi typpið með stæl: „Ég hef lifað með þessum líkamsparti sem ég vildi ekki í sautján og hálft ár“
Matur
Í gær

Sturlað eins árs afmæli fyrir eitt frægasta stjörnubarn í heimi

Sturlað eins árs afmæli fyrir eitt frægasta stjörnubarn í heimi
Matur
Í gær

Jimmy Carr um þorramat: „Það er fátt sem ég myndi ekki setja upp í mig fyrir milljón dollara“

Jimmy Carr um þorramat: „Það er fátt sem ég myndi ekki setja upp í mig fyrir milljón dollara“
Matur
Í gær

Ofureinfaldur pottréttur sem gleður svanga maga

Ofureinfaldur pottréttur sem gleður svanga maga
Matur
Fyrir 2 dögum

Fajitas-lax úr smiðju lágkolvetnakóngsins

Fajitas-lax úr smiðju lágkolvetnakóngsins
Matur
Fyrir 2 dögum

Aðeins 3 hráefni: Fullkomið og lágkolvetna blómkálssnakk

Aðeins 3 hráefni: Fullkomið og lágkolvetna blómkálssnakk
Matur
Fyrir 4 dögum

Þetta borðar ofurfyrirsæta yfir daginn

Þetta borðar ofurfyrirsæta yfir daginn
Matur
Fyrir 4 dögum

Costco setur nýjan rétt á matseðil og Íslendingar elska það

Costco setur nýjan rétt á matseðil og Íslendingar elska það