Oft sverfur hungrið að í flugi og þá er gott að grípa samloku til að narta í. Það er akkúrat það sem Bretinn Nick Mosley gerði í flugi á leið frá Balí til Ástralíu.
Nick pantaði sér samlokuþrennu um borð í vél flugfélagsins Jetstar Airways, enda voru samlokurnar afar girnilegar í matseðlinum. Nick greiddi rétt tæplega átta hundruð krónur fyrir samlokurnar en brá heldur betur í brún þegar þær voru framreiddar.
Er Nick skoðaði samlokurnar betur virtist lítið sem ekkert álegg vera á þeim og fylltu magann aftar lítið. Brauðið var enn fremur í blautari kantinum, en Nick ákvað að birta myndir á Twitter af ósköpunum. Flugfélagið sagðist ætla að skoða málið og báðust afsökunar í svartísti.
I must say @JetstarAirways have a cheek charging AUS$9 for sandwiches… without any fillings… Great for their bottom line but not so good for filling the tums of customers pic.twitter.com/dok9GicE9E
— Nick Mosley (@BrightonNick) January 7, 2019
Nick er hins vegar alls ekki sáttur eins og hann segir frá í samtali við The Sun.
„Mér finnst að flugvélamatur, hvort sem hann er innifalinn í verði miðans eður ei ætti að vera ágætur og endurspegla verðið,“ segir hann og heldur áfram.
„Það munu alltaf vera einstaklingar í fluginu sem eru á lengra ferðalagið með millilendingu þannig að vondur matur hefur bein áhrif á heilsu fólks sem og veskið.“
Það verður örugglega langt þar til Nick treystir sér í að panta samloku aftur um borð í flugvél.
„Þetta var áfall – þetta lét samlokur á bensínstöð líta út eins og stórveislu.“
