Leikarinn og þúsundþjalasmiðurinn Dwayne Johnson, sem gengur vanalega undir nafninu The Rock, leggur mikið upp úr því að lifa heilbrigðum lífsstíl, stunda líkamsrækt og borða mat.
Þeir sem aðhyllast svipaðan lífsstíl og The Rock, eða reyna það allavega, þekkja hugtakið svindldagur vel, en það merkir í raun einn dag vikunnar þar sem þú sleppir fram af þér beislinu, gúffar í þig öllum lystisemdum lífsins og setur heragann uppá hillu í smá stund.
The Rock birti einmitt myndir af því sem hann borðar á svindldegi á Instagram og magnið af mat sem einn maður lætur ofan í sig er eiginlega óhuggulegt.
Hann byrjaði á því að fá sér gríðarstóran skammt af sushi með gígantísku magni af wasabi í soja sósunni, af því að hann er „stoltur sadisti sem elskar sársauka,“ eins og hann segir sjálfur á Instagram.
Eftir sushi veisluna fékk hann sér síðan hrúgu af afar girnilegum smákökum með mjólkursúkkulaði og hnetusmjöri, en kökunum lýsti hann með þessum orðum:
„Stórar, bragðgóðar og himneskar.“
