Söngkonan og rithöfundurinn Birgitta Haukdal var gestur Loga Bergmanns og Huldu Bjarna á útvarpsstöðinni K100, ásamt rapparanum Emmsjé Gauta.
Birgitta sagði í viðtalinu frá sínum jólahefðum, sem hún rígheldur í.
„Mér finnst ótrúlega gaman að öllum hefðum,“ segir Birgitta í viðtalsbrotinu hér fyrir neðan og bætir við að við ættum að halda íslenskum hefðum á lofti, sama hve skringilegar þær eru.
„Þó þér þyki skata vond finnst mér að þú ættir samt að fara í skötuveislu eða halda skötuveislu,“ segir Birgitta og brosir. „Þetta eru gamlar hefðir sem mér finnst æðislegt að halda í.“
Aðspurð um matinn á aðfangadagskvöld eru hefðir ríkjandi þar líka.
„Við borðum lambahamborgarhrygg og rjúpu því maðurinn minn ólst upp við rjúpur og ég vil lambahamborgarhrygg,“ segir Birgitta.
Viðtalið í heild sinni má hlusta á hér fyrir neðan: