Það eru svo sem engar fréttir að almenningsrými eru stútfull af sýklum, hvort sem það er bókasafn eða líkamsræktarstöð. Hins vegar kemur á óvart hvaða svæði eða hlutir eru óhreinastir inni á veitingastöðum.
Samkvæmt rannsókn sem framkvæmd var af ABC News er það skítugasta á veitingastöðum eitthvað sem allir snerta – nefnilega sjálfur matseðillinn. Það fundust að meðaltali 185 þúsund bakteríur á matseðlum sem er talsvert meira en á hlutnum sem var í öðru sæti – piparkvörninni. Á henni fundust að meðaltali 11.600 bakteríur.
Í umfjöllun TODAY um rannsóknina er mælt með því að sleppa því að nota piparkvörn á veitingastöðum þar sem þær séu sjaldan þrifnar. Er stungið upp á því að biðja kokkinn frekar um að hafa matinn bragðsterkan.
Rannsóknin var framkvæmd á tólf veitingastöðum í þremur fylkjum í Bandaríkjunum; New York, Ohio og Arizona.