Samfélagsmiðlastjarnan Sólrún Diego er sólgin í asískan mat, pítsu og mexíkóskan mat, ef marka má svörin sem hún gefur fylgjendum sínum á Instagram.

Svo mikið elskar hún asískan mat og pítsu að hún getur vart gert upp á milli þeirra tveggja þegar hún er spurð út í sinn uppáhaldsmat.

Þegar kemur hins vegar að mat sem ediksprinsessan getur alls ekki borðað kemur svarið ef til vill á óvart. Hún spurði fylgjendur sína hvort þeir vissu hvað hún borðaði alls ekki, fisk eða sushi. Flestir fylgjenda hennar giskuðu á sushi, eða 87 prósent þeirra sem svöruðu og það er rétt.

Það vekur athygli að Sólrún fúlsi við sushi, þar sem eitt af aðalhráefnunum í sushi-hrísgrjónum er edik – sama hráefni og skaut Sólrúnu upp á stjörnuhimininn. Sólrún getur hins vegar vel borðað fisk – svo lengi sem hann er ekki hrár og vafinn inn í hrísgrjón, edik og þara.