Skyndinúðlur eru geysivinsælar sökum þess hve einfalt er að matreiða þær, en þær eru ekki beint hollasta matvæli í heimi.
Sjá einnig: Hættu að borða skyndinúðlur strax í dag.
Við rákumst á sérstakar skyndinúðlur sem fást í Japan en téðar núðlur eru með Pringles-bragði, sem sagt skyndinúðlur með snakkbragði. Um er að ræða annars vegar núðlur með sýrðum rjóma og lauk og hins vegar jalapeno og lauk. Talandi um nasl sem gæti vakið lukku meðal þeirra sem elska snakk og núðlur. Vörurnar komu á markað þann 15. október síðastliðinn.
Um er að ræða samstarf á milli Acecook og Pringles, en fyrrnefnda fyrirtækið fagnar þrjátíu ára afmæli í ár og það síðarnefnda fimmtugsafmæli. Markmið núðlanna var að koma neytendum á óvart, sem hefur svo sannarlega tekist. Forsvarsmenn Pringles segja þessa vöruþróun hafa falið í sér miklar áskoranir, en að lokum hafi fundist lausn þar sem Pringles-bragðið er endurgert í núðlum.
Núðlurnar eru eingöngu fáanlegar í Japan og í takmörkuðu upplagi, en þeir sem vilja reyna þetta heima geta prófað að elda sér núðlur og mylja snakki saman við þær.